Gjërat që nuk duhet t’ia thoni kurrë shefit tuaj

Shprehjet që duhet t’i shmangni gjatë komunikimit me shefat tuaj

Të jesh i kujdesshëm në atë që duhet të thoni nga njëri moment në tjetrin, është gjithmonë e rëndësishme. Sidomos në qoftë se kjo ka të bëjë me shefin. Këtu janë 11 shembuj të shprehjeve të cilat duhet t’i shmangni gjatë komunikimit me shefat tuaj…

1. “S’më punohet fare”

Që ju mund të jeni i mërzitur nga puna, nuk duhet t’ia thoni askujt në mjedisin e saj, dhe sidomos shefit tuaj.

2. “Ç’më pihet një kafe”

Mos u mundoni të jeni e butë dhe të mendoni për qetësi apo argëtim, veçanërisht nëse shefi juaj është në një moment tensioni apo sikleti.

3. “Erdhi koha për të ikur”

Asnjëherë mos jepni përshtypjen se doni të ikni sa më parë nga vendi juaj i punës. Edhe pse mezi e prisni këtë moment.

4. “Kështu them dhe unë, por…”

Asnjë fjalë e juaja nuk duhet të jetë e pasuar nga një “por”. Se “por” fshin çdo gjë që vjen para saj. Prandaj kini kujdes…

5. “Këtë mendojnë dhe të tjerët”

Edhe nëse ju jeni vërtet duke folur në emër të shumicës së kolegëve tuaj, hiqeni këtë si shprehje, se shefi do ju marrë si “lider grupi”.

6. “Sa i lodhur që jam”

Askush nuk do t’ia dijë në fakt në vendin e punës, sesa të lodhur jeni në të vërtetë. Aq më pak shefi. Ndaj mos ia rrëfeni këtë ankesë.

7. “A e di më të fortën?”

Mos thoni asnjëherë shaka apo barsaleta me shefin tuaj. Sepse mund t’ju marrë për një mendjelehtë dhe që doni të përfitoni prej tij.

8. “O ç’më bëri gruaja/burri”

Mbajeni jetën tuaj personale, larg nga zyra. Mbi të gjitha, mos i ndani me partnerin tuaj, detajet e tmerrshme që ndodhin në shtëpinë tuaj.

9. “Unë votoj për …”

Si dhe jetën private, mbajini larg nga zyra edhe bindjet tuaja politike. Sikundër, nuk duhet ta pyesni as shefin për idetë e tij politike. Gabim.

10. “E di që ata shkojnë bashkë?”

Thashetheme të këtij lloji nuk janë fare të përshtatshme në një vend pune. Dhe sidomos kur brenda tyre është i përfshirë edhe vetë shefi.

11. “Jo, unë nuk mundem …”

Ka shumë arsye pse ju nuk mund të jeni në gjendje për të përfunduar një detyrë të caktuar, por nuk duhet t’ia thoni asnjëherë copë shefit tuaj.