Gjilani apelon qytetarët që të mos ndezin zjarre

Komuna e Gjilanit ka apeluar qytetarët që të mos ndezin zjarre fushore dhe zjarre të tjera që shkaktojnë rrezik të përgjithshëm për qytetarët dhe ekonomitë familjare.
Komuna ka njoftuar se inspektorët e preventivës nga zjarri, si dhe Policia e Kosovës janë në terren në vazhdimësi për të identifikuar çdo përhapje të zjarrit dhe shkaktarët e përhapjes.
Gjithashtu, Komuna u ka përkujtuar qytetarëve se Kodi Penal i Republikës së Kosovës, neni 365, sanksionon me burg nga gjashtë muaj deri në pesë vjet të gjithë ata që shkaktojnë rrezik të përgjithshëm përmes ndezjes së zjarreve.
Për çdo eventualitet, nga kjo komunë kanë thënë se qytetarët mund të telefonojnë në numrat pa pagesë, 193 dhe 112./21Media

Back to top button