Grenlanda shkon në zgjedhje, me fokus te Donald Trump dhe pavarësia
Banorët e Grenlandës po votojnë në një zgjedhje që në vitet e kaluara ka tërhequr pak vëmendje ndërkombëtare, por që mund të jetë vendimtare për të ardhmen e territorit arktik. Interesi i përsëritur i Presidentit të SHBA-së, Donald Trump, për të blerë Grenlandën e ka vënë atë në qendër të vëmendjes dhe ka ushqyer debatet mbi marrëdhëniet e ishullit me Danimarkë,.
Grenlanda është nën kontrollin e Danimarkës për rreth 300 vjet, duke pasur autonomi të brendshme, por politikën e jashtme dhe mbrojtjen e vendos Kopenhagën. Tashmë, pesë nga gjashtë partitë në fletën e votimit mbështesin pavarësinë e Grenlandës, duke u dalluar vetëm për shpejtësinë e realizimit të saj.
Interesi i SHBA-së ka nxitur thirrje për shpalljen e pavarësisë, me shumë debate që përqendrohen në “kur”, jo “nëse”, do të fillojë ky proces. Ndërkohë, partia Naleraq kërkon të nisë menjëherë procesin e shkëputjes nga Danimarka dhe të ketë marrëdhënie më të ngushta me SHBA-në. Në anën tjetër, partia Demokraatit mendon se është ende herët për të kërkuar pavarësinë, duke theksuar se ekonomia duhet të forcohet më shumë.
Dëshiron ta dëgjosh këtë lajm me zë?