Gruaja që mori dy çanta në Aeroportin e Vjenës, arrestohet në Prishtinë

Në Aeroportin e Prishtinës “Adem Jashari” është arrestuar një grua shqiptare me nënshtetësi austriake, e cila ka marrë dy çanta në Aeroportin e Vjenës.
Rasti ka ndodhur dje rreth orës 19:30.
Pas shkëmbimit të informacioneve dhe fotove të personit me autoritetet austriake, me të arritur në aeroportin e Prishtinës e dyshuara është identifikuar nga zyrtarët policorë.
“Zyrtarët kufitarë të aeroportit kanë identifikuar dhe arrestuar të dyshuarën femër Shqiptare me shtetësi Austriake, pasi që njëjta në aeroportin e Vjenës dyshohet se ka marrë dy çanta që nuk ishin pronë e saj. Pas shkëmbimit të informacioneve dhe fotove të personit me autoritetet Austriake, me të arritur në aeroportin e Prishtinës e dyshuara është identifikuar nga zyrtarët policorë”, thuhet në raportin 24- orësh të Policisë.
Me vendim të prokurorit është inicuar rasti ndaj të dyshuarës dhe e njëjta është dërguar në mbajtje./21Media