Haradinaj kërkon ndërprerjen e ndërtimit të hidrocentralit në Lumbardh

1 min read

Notice: Trying to get property 'post_excerpt' of non-object in /home/rtv21new/public_html/wp-content/themes/newsphere-pro/inc/hooks/hook-single-header.php on line 65

Haradinaj është shprehur se projektet që bien ndesh me interesat e banorëve të zonës së Rugovës asnjëherë nuk do të kalojnë

Kryeministri Ramush Haradinaj sot ka kërkuar ndërprerjen e procedurave për ndërtimin e hidrocentralet në Lumbardh.

“Pas protestës së qytetarëve në Pejë dhe shqetësimeve legjitime të ngritura në takim nga përfaqësuesit e komunitetit rugovas rreth projektit të ndërtimit të hidrocentraleve në Lumbardh, nga Ministria e linjës kam kërkuar ndërprerjen e menjëhershme të procedurave të mëtejme deri në krijimin e një pasqyre të qartë dhe të gjithanshme për shkallën e impaktit të këtij projekti në mjedis”, ka shkruar Haradinaj në facebook.

Sipas të parit të Qeverisë, projektet, të cilat bien ndesh me interesat e banorëve të zonës së Rugovës asnjëherë nuk do të kalojnë.

Si kundërshtim ndaj projektit të hidrocentraleve në grykën e Rugovës, qytetarë të shumtë janë mbledhur në sheshin e qytetit të Pejës. Ata po protestojnë kundër shkatërrimit të Lumbardhit dhe bukurive natyrore të Pejës.

Këtë ide e kanë kundërshtuar edhe Rinia Demokratike e Pejës dhe Lëvizja Vetëvendosje, e cila dje u ka bërë thirrje qytetarëve që t’i bashkohen kësaj proteste kundër shkatërrimit të Lumbardhit./21Media