Princi Harry dhe Meghan Markle janë bërë prindër për herë të dytë. Meghan lindi një vajzë të cilën e pagëzuan me emrin Lilibet Diana Mountbatten-Windsor.

Lilibet “Lili” Diana Mountbatten-Windsor  ka lindur të premten në mëngjes në një spital në Santa Barbara, në Kaliforni.

Emri i mesëm i foshnjës, Diana, u zgjodh për të nderuar “gjyshen e saj të dashur të ndjerë”, Princeshën e Uellsit, thuhej në deklaratë.

“Më 4 qershor, ne u bekuam me ardhjen e vajzës sonë Lili. Ajo është më shumë sesa mund ta kishim imagjinuar ndonjëherë dhe ne jemi mirënjohës për dashurinë dhe lutjet që kemi ndjerë në të gjithë botën”, thanë Harry dhe Meghan në një deklaratë.

Harry dhe Meghan u martuan në maj 2018 dhe kanë një djalë, Archie, i cili u lind në vitin 2019./21Media