Haxhiu për ekstradimin e Radojiçiqit: Nuk presim reflektim nga Serbia
Ministrja e Drejtësisë, Albulena Haxhiu tha se përveç mbulimit financiar të ekipeve mbrojtëse, nuk kanë mandat tjetër në lidhje me Gjykatën Speciale. Ajo nuk ka komentuar dënimin për Salih Mustafën dhe vendimin e Apelit për heqjen e katër viteve nga dënimi.
Në një konferencë për media, ajo tha se ka instanca të tjera për t’u kundërshtuar ky vendim.
E pyetur në lidhje me ekstradimin e Millan Radojiçiqit për agresionin në Banjskë të Zveçanit, Haxhiu tha se nuk presin reflektim nga Serbia.
Ajo tha se institucionet e Kosovës e kanë kryer punën e profesionalizimit, por mbetet që këta kriminelë të bien në duart e Policisë së Kosovës.