Herrera flet për largimin nga Manchester United

Ander Herrera i përlotur ka folur për mënyrën se si u largua nga Manchester United në vitin 2019.
Mesfushori i Athletic Club, i cili aktualisht është i huazuar nga Paris Saint-Germain, u largua nga Djajtë e Kuq në vitin 2019 kur i skadoi kontrata.
Kur ai u largua për në Ligue 1, u raportua se United kishte dashur t’i dorëzonte Herrera një marrëveshje të re, por duket sikur ata ishin shumë të ngadaltë me ofertën e tyre.
“Të largohesha, ishte e vështirë sepse gjashtë muaj më parë, pesë muaj më parë, prisja atë ofertë që unë të qëndroja. Nuk është momenti për të folur keq për askënd dhe nuk do ta bëj. Por, pas sezonit tim të tretë me klubin prisja pak më shumë nga klubi në atë kohë. Mora çmimin Lojtari i Vitit nga tifozët dhe klubi nuk më thirri atë verë për të nënshkruar një kontratë të re, dhe ata bënë me lojtarë të tjerë”, tha ai./21Media