Hill: Asocicacioni duhet të formohet, 10 vjet janë shumë

Ambasadori amerikan në Serbi, Christopher Hill tha sot se është e rëndësishme që të gjithë të pajtohen që Asociacioni i komunave serbe duhet të formohet, aq më tepër që ishte paraparë me marrëveshjen e 10 vjetëve më parë.
Ai në panelin “E ardhmja e BE-së dhe Ballkanit Perëndimor” në Forumin e Biznesit në Kopaonik tha se është një periudhë shumë e gjatë dhe se marrëveshjet duhet të respektohen, raporton “Tanjug”.
“Është një test i autoriteteve në Prishtinë për të kuptuar se çfarë duhet të bërë për të përmbushur standardet evropiane. Është e rëndësishme që qeveria në Beograd të ndihmojë serbët të jenë të suksesshëm si komunitet. Unë jam optimist se kjo mund të ndodhë”, tha Hill./21Media