​Historianët e Deçanit: Reçaku, përfaqëson krenarinë e kombit shqiptar

Lidhja e Historianëve të Kosovës “Ali Hadri”, dega në Deçan, ka përkujtuar sot masakrën në Reçak kur 24 vjet me parë, pikërisht me 15 janar të vitit 1999, dite e premte, një ditë e ftohët acari, forcat e shumta ushtarake dhe policore serbe pushkatuan 45 shqiptarë të pafajshëm.
Masakra e kryer në Reçak me 15 janar të vitit 1999, nga forcat serbe, është dëshmia me e mirë se shteti serb ka kryer gjenocid kundër shqiptarëve. Masakra e Reçakut, preku thellë ndërgjegjen e botës demokratike, e cila u vuan në lëvizje pas deklaratave të ambasadorit William Walker, i cili me 16 janar 1999, pa me sytë e tij skena barbare, thuhet në reagimin e historianëve të Deçanit.
Në këtë 24-vjetor të përkujtimit të Masakrës së Reçakut, historianët e Deçanit kërkojnë drejtësi për viktimat e këtij gjenocidi dhe që kryesitë e kësaj masakre të marrin dënimin e mëritura.
“Reçaku, përfaqëson krenarinë e kombit shqiptar. Të rënët në Reçak, dhe të rënët gjithandej vënëve të tjera në Kosovë, të cilët u vranë dhe u masakruan nga forcat serbe me 1998-1999, janë gur themeltar të shtet ndërtimit të Republikës sonë”, thonë historianët e Deçanit.