Holandezët protestojnë kundër masave antiCovid

Mijëra protestues mbushën rrugët e Amsterdamit në kundërshtim me masat e vendosura nga qeveria për COVID-19 dhe fushatën e vaksinimit pasi infeksionet me virus shënuan një rekord të ri.
Autoriteteve iu dhanë kompetencat e ndalimit dhe kërkimit në disa lokacione në të gjithë qytetin dhe shumë furgona të policisë së trazirave patrulluan lagjet ku demonstruesit marshuan me pankarta dhe çadra të verdha.
Protestat e rregullta kundër koronavirusit mbahen në të gjithë vendin dhe tubimit të madh të së dielës iu bashkuan fermerët që shkuan me makinë drejt kryeqytetit dhe parkuan traktorë përgjatë Sheshit qendror të Muzeut.
Turma luajti muzikë, brohoi slogane kundër qeverisë dhe më pas marshoi përgjatë rrugëve, duke bllokuar trafikun.
Holanda pati një nga bllokimet më të vështira të Evropës për një muaj deri në festat e fundvitit, transmeton rtv21.tv
Mes opozitës në rritje të publikut, kryeministri Mark Rutte të premten njoftoi rihapjen e dyqaneve, parukierëve dhe palestrave, duke hequr pjesërisht një bllokim pavarësisht numrit rekord të rasteve të reja COVID-19.
Infeksionet arritën një tjetër rekord mbi 36,000 të dielën, treguan të dhënat e publikuara nga Instituti Holandez për Shëndetin (RIVM).
Holanda ka regjistruar më shumë se 3.5 milionë infeksione dhe 21,000 vdekje që nga fillimi i pandemisë./21Media