Hoti: Kurti s’ka shpëtim nga drejtësia, po bën përdhosje të shtetit dhe i ka vënë njollë demokracisë

“Refuzimi i Kurtit për t’u paraqitur në prokurori është përdhosje e shtetit dhe institucioneve të Kosovës, të cilat janë ndërtuar me sakrifica të mëdha e me mbështetjen e parezervë të miqve. Me këto sjellje, Kurti po i vë njollë rendit kushtetues dhe demokracise në Kosovë, e cila merret si shembull në rajon dhe më gjerë. Sot, Kosova ka qenë në titujt e mediave ndërkombëtare për këtë sjellje të Kurtit. Por ky nuk e ka për herë të parë që i vë njolla shtetit të Kosovës. Njësoj ka ndodhur edhe kur gjuante gaz në Kuvend, apo kur protestonte disa ditë para shpalljes së pavarësisë. Barazia para ligjit është fundamenti i demokracisë. Nuk ka rrugë tjetër, nuk ka shpëtim askush nga drejtësia. Është vetëm çështje kohe”, ka shkruar Hoti në Facebook.