Hovenier: Mësova dhe u frymëzova nga Ahtisaari
Ambasadori i Shteteve të Bashkuara të Amerikës në Kosovë Jeffrey Hovenier, e ka vlerësuar lart kontributin për paqe të ish-presidentit finlandez Martti Ahtisaari, i cili vdiq sot në moshën 86-vjeçar.
Hovenier ishte pjesë e ekipit të udhëhequr nga Ahtisaari.
Diplomati amerikan thotë se kishte mësuar dhe ishte frymëzuar nga ish-presidenti finlandez.
“Ai ia kushtoi jetën paqes dhe drejtësisë dhe dha një kontribut të jashtëzakonshëm për stabilitetin dhe sigurinë në Kosovë dhe rajon”, tha Hovenier.
Hovenier kishte qenë pjesë e ekipit e Organizatës së Kombeve të Bashkuara të udhëhequr nga i dërguari special Martti Ahtisaari.
Ai ishte përgjegjës për negociatat e statusit të vendit që do të bëhej shtet në vitin 2008, mbi bazën e planit të hartuar prej tij.
Ahtisaari në vitin 2008 mori çmimin Nobel për paqe.
I join the people of Finland, Kosovo, and around the globe in mourning the death of former Finnish President Martti Ahtisaari. He devoted his life to peace & justice and made an extraordinary contribution to stability & security in Kosovo and the region. I was honored to serve… pic.twitter.com/rGxTeb11eR
— Ambassador Jeff Hovenier (@USAmbKosovo) October 16, 2023