Hovenier: SHBA-ja dënon sulmet e tmerrshme të Hamasit kundër Izraelit

Ambasadori i Shteteve të Bashkuara të Amerikës në Kosovë, Jeff Hovenier ka thënë se SHBA-të i dënojnë sulmet e tmerrshme të terroristëve të Hamasit kundër Izraelit.

Ambasadori Hovenier ka shkruar në platformën X, se nuk ka asnjë justifikim për terrorizmin dhe se solidarizohen me Izraelin.

“Shtetet e Bashkuara dënojnë pa mëdyshje sulmet e tmerrshme të terroristëve të Hamasit kundër Izraelit, duke përfshirë komunitetet civile. Nuk ka asnjë justifikim për terrorizmin. Ne qëndrojmë në solidaritet me Izraelin dhe shprehim ngushëllimet tona për jetët izraelite të humbura në këto sulme”, shkruan Hovenier në X i njohur më parë si Twitter.