Ibrahimovicin e kërkon një tjetër klub i Serie-A
Zlatan Ibrahimovic ka vetëm tre muaj të mbetur në kontratën e tij me Milanin dhe Monza thuhet se është seriozisht i interesuar për t’i bërë atij një ofertë.
Veterani 41-vjeçar suedez u kthye te kuqezinjtë në janar të vitit 2020 si një transferim i lirë dhe luajti një rol të rëndësishëm në suksesin e tyre drejt titullit sezonin e kaluar, duke qenë një lider i dhomës së zhveshjes dhe një pikë referimi në fushë.
Ibrahimovic është kufizuar në vetëm 144 minuta në fushë në Serie A deri më tani këtë sezon, duke bërë një pjesë të madhe të sezonit për shkak të një operacioni të rëndë në gju, i cili u krye majin e kaluar.
Siç raportohet nga “Calciomercato.com”, Ibrahimovic nuk është ende gati të pensionohet dhe dëshiron të vazhdojë të luajë përtej këtij sezoni, por kontrata e tij me Milanin po shkon drejt fundit.
Kuqezinjtë duan të përfundojnë sezonin përpara se të vendosin nëse do t’i japin suedezit një marrëveshje të re apo jo, dhe ndërkohë Monza e Silvio Berlusconit është seriozisht e interesuar për të bërë një ofertë.
TME pretendon se Ibrahimovicit i është ofruar një kontratë, me vlerë rreth 1.5 milionë euro neto plus shtesa.