Imazhet e reja tregojnë shkatërrimin e avionit më të madh në botë

Janë shfaqur imazhe të reja që tregojnë shkallën e shkatërrimit të aeroplanit më të madh në botë pasi u dogj gjatë një sulmi rus në një aeroport ukrainas.
Antonov-225 Mriya, që do të thotë ëndrra, u fshi në aeroportin Hostomel afër Kievit në shkurt, transmeton rtv21.tv.
Ukraina ka rimarrë aeroportin, por shkalla e shkatërrimit të avionit, i cili kishte qenë një burim i madh krenarie kombëtare, nuk ishte zbuluar deri më tani.
Avioni i ngarkesave ka gjashtë motorë dhe peshon 314 ton dhe u konsiderua një goditje e rëndësishme për Rusinë në javët e para të pushtimit.
Ministri i Jashtëm i Ukrainës, Dmytro Kuleba tha “Rusia mund të ketë shkatërruar “Mriya” tonë, por ata kurrë nuk do të jenë në gjendje të shkatërrojnë ëndrrën tonë për një shtet të fortë, të lirë dhe demokratik evropian. Ne do të fitojmë!”.
Në një deklaratë të postuar në Tëitter nga zyra e Presidentit ukrainas, vendi tha pasi u shkatërrua: ‘Ne do ta rindërtojmë avionin. Ne do të përmbushim ëndrrën tonë për një Ukrainë të fortë, të lirë dhe demokratike”./21Media