Sulmet ajrore kishin vrarë një numër të madh militantësh

Sulmet ajrore kishin vrarë një numër të madh militantësh

India njoftoi se ka ndërmarrë sulme ajrore kundër militantëve të vendosur në zonën e Kashmirit, në territorin pakistanez, pas sulmit me bombë ku mbetën të vdekur 46 ushtarë indianë.

BBC raportoi se sulmet ajrore kishin për objektiv një kamp stërvitor të grupit “Jaish-e-Mohammad” (JeM) në zonën Balakot.

Sekretari indian i Jashtëm, Vijay Gokhale në një konferencë për shtyp, tha se sulmet ajrore kishin vrarë një numër të madh militantësh, përfshirë edhe komandantë. Ai mohoi që në mesin e të vrarëve ka civilë.

Sipas tij, India kishte informacione të besueshme se në kampin që u sulmua po përgatiteshin të tjera sulme kundër tyre.

Mirëpo, nuk ka vonuar edhe reagimi i Pakistanit që ka ngritur avionët luftarakë. Zëdhënësi i Forcave Ajrore tha se forcat indiane shkelën linjën e kontrollit dhe detyruan ata që të reagojnë. Sipas këtij zëdhënësi, avionët indianë më pas janë larguar.