Instagram vihet në veprim pasi përdoruesit raportojnë pezullime të llogarive

Shumë përdorues të Instagram në mbarë botën raportuan të hënën se llogaritë e tyre ishin pezulluar dhe kompania tha se po punon për të zgjidhur këtë çështje.
“Ne jemi të vetëdijshëm se disa prej jush kanë probleme me qasjen në llogarinë tuaj në Instagram. Ne po e shqyrtojmë dhe kërkojmë falje për shqetësimin. #instagramdown”, tha kompania në Twitter.
Faqja e internetit Downdetector.com, e cila gjurmon problemet e qasjes në mbarë botën, tha se shërbimi i ndarjes së fotografive në internet dhe rrjeteve sociale ka parë një mungesë qasja qe nga mëngjesi.
Një grafik tregon më shumë se 7.000 përdorues që raportuan se shërbimi ishte ulur rreth orës 10:17 të mëngjesit me orën lindore (14:17 GMT).
Sipas raporteve të shumta, një zëdhënës i Metës që zotëron Instagramin, tha se kompania është e vetëdijshme se përdoruesit kanë probleme në pjesë të ndryshme të botës.
“Ne po punojmë për ta zgjidhur çështjen sa më shpejt të jetë e mundur dhe kërkojmë falje për shqetësimin”, tha zëdhënësi në një deklaratë.
Përdoruesit që vërshuan në Twitter për këtë çështje e pyetën kompaninë pse llogaritë e tyre u fshinë ose çaktivizoheshin dhe kërkuan që Instagram t’i rivendoste ato.