Interesimi nga Chelsea për Aubameyang-un, Xavi merr vendimin

1 min read

OLOT, SPAIN - JULY 13: Pierre-Emerick Aubameyang of FC Barcelona looks on during the pre-season friendly match between UE Olot and FC Barcelona at Nou Estadi Municipal on July 13, 2022 in Olot, Spain. (Photo by Alex Caparros/Getty Images)

Trajneri i Barcelonës, Xavi thuhet se e ka bërë të qartë se Pierre-Emerick Aubameyang nuk do të largohet nga skuadra, pas spekulimeve se Chelsea është i interesuar për sulmuesin.

Është raportuar se “Blutë” po konsiderojnë Aubameyang si një opsion të mundshëm për ta transferuar dhe tashmë janë zhvilluar bisedime me sulmuesin nga Gaboni.

Mediumi spanjoll, “Diario Sport” raporton se Xavi e ka të qartë se Aubameyang nuk do të shkojë askund këtë verë.

Trajneri i Barcelonës e konsideron Aubameyang një pjesë të rëndësishme të skuadrës edhe pas ardhjes së Robert Lewandowski nga Bayern Munich.

Xavi mendon se pozicioni i qendërsulmuesit është i mbuluar në mënyrë perfekte me Aubameyang dhe Lewandowski dhe beson se të dy mund të luajnë së bashku në disa ndeshje.

Aubameyang ka arritur në janar si një transferim i lirë, por shpejt ka bërë përshtypje, duke shënuar 13 gola në 23 ndeshje për të përfunduar sezonin 2021/22 si golashënuesi më i mirë i ekipit.

Sulmuesi i Barcelonës nuk është i vetmi sulmues që lidhet me Chelsean aktualisht. Benjamin Sesko i RB Salzburg mendohet gjithashtu të jetë në listën e ngushtë të klubit.