Ja çfarë ndodh me dhëmbët nëse i pastroni më shumë se dy herë në ditë
Nëse duam një higjienë të mirë orale dhe dhëmbë dhe mishra të shëndetshëm, dentistët rekomandojnë pastrimin e dhëmbëve rregullisht. Por, mund të jetë gjithashtu e mundur të jesh shumë i zellshëm për kujdesin ndaj dhëmbëve dhe të biesh në gabimin e larjes së tepërt.
Larja e dhëmbëve më shumë se dy herë në ditë mund të bëjë më shumë dëm sesa dobi, pasi mund të dëmtojë dhëmbët dhe të arrijë saktësisht të kundërtën e efektit të dëshiruar.
Larja e dhëmbëve më shumë se dy herë në ditë mund të bëjë më shumë dëm sesa dobi, pasi mund të dëmtojë dhëmbët dhe të arrijë saktësisht të kundërtën e efektit të dëshiruar.
Më poshtë ju sjellim rreziqet e larjes së dhëmbëve shumë shpesh, të publikuara nga Bright Side.
Dhëmbët tuaj mund të njollosen
Smalti është një shtresë e hollë që mbulon dhe mbron dhëmbët tuaj. Edhe pse smalti është indi më i fortë në trupin e njeriut, ai ende mund të dëmtohet lehtësisht. Nëse i lani dhëmbët shumë shpesh, mund të prishni smaltin tuaj.
Nëse smalti juaj konsumohet, dentina, shtresa e dytë e dhëmbëve, mund të fillojë të shfaqet me njolla ose në të gjithë dhëmbin. Dentina ka ngjyrë të verdhë, kështu që nëse smalti juaj dëmtohet, dhëmbët tuaj gjithashtu mund të zverdhen.
Mund të shkaktojë ndjeshmëri të dhëmbëve
Një tjetër efekt anësor i dëmtimit të smaltit është rritja e ndjeshmërisë së dhëmbëve. Ngrënia dhe pirja e ushqimeve dhe pijeve të nxehta dhe të ftohta, ose çdo gjë që është shumë acide apo edhe e ëmbël mund të shkaktojë reaksione të dhimbshme. Për të zgjidhur këtë problem, ju mund të ndryshoni pastën tuaj të dhëmbëve, t’i lani dhëmbët më butësisht dhe ta bëni këtë vetëm dy herë në ditë.
Mund të filloni të keni më shumë kavitete
Derisa, ne zakonisht i pastrojmë dhëmbët rregullisht për të parandaluar prishjen e dhëmbëve dhe kavitetet, larja shumë e shpeshtë mund të çojë në të kundërtën e rezultatit të dëshiruar. Nëse i lani dhëmbët më shumë se dy herë në ditë për një periudhë më të gjatë kohore, mund të prishni jo vetëm smaltin, por edhe dentinën. Kavitetet, nëse nuk trajtohen shpejt, mund të çojnë edhe në infeksion dhe humbje të dhëmbëve.
Mund të shkaktojë që mishrat e dhëmbëve të tërhiqen dhe të inflamohen
Një tjetër simptomë e larjes së shpeshtë të dhëmbëve janë mishrat e dëmtuara. Mishrat tuaja mund të skuqen, të përflaken dhe të fryhen. Kjo madje, mund të shkaktojë gjakderdhje dhe mund të bëhet shumë e dhimbshme. Largimi i mishrave të dhëmbëve gjithashtu mund t’i ekspozojë rrënjët e dhëmbëve tuaj ndaj infeksionit dhe prishjes së dhëmbëve.
Çfarë duhet të bëni në vend të larjes së tepërt të dhëmbëve?
Shumica e njerëzve që lajnë dhëmbët shumë shpesh e bëjnë këtë me shpresën për një higjienë më të mirë orale dhe dhëmbë më të shëndetshëm e më të bardhë. Por, ka disa alternativa të tjera për larjen e tepërt. Përfshirja e pastrimit të dhëmbëve me pe dhe larja e gojës në rutinën tuaj është shumë e rëndësishme dhe mund të arrijë rezultate shumë më të mira.
Përveç larjes së dhëmbëve në mëngjes dhe në mbrëmje, mund të përdorni edhe larjen e gojës dy herë në ditë. Nëse dëshironi që dhëmbët tuaj të ndihen të pastër gjatë gjithë ditës, mund të shijoni çamçakëzin pa sheqer pas ngrënies./21Media