Ja kur parashihet të përfundojë lufta Rusi-Ukrainë

1 min read

Kreu i inteligjencës ushtarake të Ukrainës ka thënë se lufta me Rusinë do të arrijë një pikë kthese në mes të gushtit dhe ka të ngjarë të përfundojë deri në fund të vitit.

Në një intervistë për Sky News, gjeneralmajor, Kyrylo Budanov tha se pika e thyerjes do të jetë në pjesën e dytë të gushtit dhe shumica e aksioneve luftarake aktive do të kenë përfunduar deri në fund të këtij viti.

Ai shtoi se humbja e luftës nga Rusia do të çojë në një grusht shteti kundër presidentit rus, Vladimir Putin, për të cilin ai pretendoi se tashmë ishte duke u zhvilluar,  shkruan BBC.

Ai gjithashtu pohoi se presidenti Putin ishte në një gjendje shumë të keqe psikologjike dhe fizike dhe ai është shumë i sëmurë./21Media