Jep dorëheqje presidenti i federatës turke të futbollit

Presidenti i Federatës Turke të Futbollit Nihat Ozdemir dha dorëheqjen nga posti i tij. 

Nënkryetari i Federatës Turke të futbollit, Servet Yardımcı mori detyrën e kreut të përkohshëm derisa të merret një vendim për një president të ri në kongresin e TFF-së në qershor dhe anëtari i bordit të TFF-së Mustafa Çaglar u emërua në postin e Yardımcı.

TFF kohët e fundit është nën presion për disa çështje, duke përfshirë tenderin për të drejtat e transmetimit që ende nuk është finalizuar dhe një mosmarrëveshje rreth vendimit të rrëzuar tani për të shkarkuar 13 arbitra të profilit të lartë.

Më herët të mërkurën, nënkryetari i TFF për çështjet juridike, Mehmet Baykan gjithashtu dha dorëheqjen nga posti i tij.
Ozdemir, 71 vjeç, është një nga themeluesit e një prej konglomerateve më të mëdha të Turqisë, Limak Holding. Ai u zgjodh president i TFF-së në vitin 2019. Para kësaj, Ozdemir kishte punuar si ekzekutiv në MKE Ankaragücü dhe Fenerbahçe për shumë vite.
Ish-zëvendëskryetari i TFF-së, Husnu Gureli, Presidenti i Trabzonspor-it, Ahmet Agaoglu, Presidenti i Başakşehirit, Goksel Gumusdag dhe Presidenti i klubit Besiktas, Ahmet Nur Çebi, thuhet se janë kandidatët më të mirë që do të garojnë për postin e presidentit të ri të TFF-së.

Zgjedhjet e ardhshme u caktuan për në qershor 2023./21Media