Johnson alarmin bërthamor të Putinit e quan “një shpërqendrim”

Kryeministri britanik, Boris Johnson, thotë se vënia e forcave parandaluese bërthamore të Rusisë në gatishmëri të lartë nga Vladimir Putin është “një shpërqendrim nga realiteti i asaj që po ndodh në Ukrainë”.

Johnson lavdëroi ukrainasit për “përballimin me më shumë rezistencë nga sa kishte patur Kremlini”.

“Ajo që po ndodh në kontinentin evropian është një katastrofë absolute,” tha ai.

Johnson hodhi dyshime mbi negociatat e mundshme midis delegacioneve ruse dhe ukrainase në përpjekje për të zgjidhur krizën.

Presidenti Volodymyr Zelensky ra dakord që të dyja palët mund të takohen nesër në kufirin Ukrainë-Bjellorusi, duke refuzuar fillimisht një ofertë për bisedime në Bjellorusi./21Media