Johnson: Veprimet e Rusisë në Ukrainë – krime lufte

Kryeministri britanik Boris Johnson ka thënë se veprimet e presidentit rus Vladimir Putin në Ukrainë kualifikohen si krim lufte.
“Ajo që ne kemi parë tashmë nga regjimi i Vladimir Putin në përdorimin e municioneve që ata tashmë kanë hedhur mbi civilët e pafajshëm … sipas mendimit tim, ajo tashmë kualifikohet plotësisht si një krim lufte”, tha ai në parlamentin e MB.
Johnson tha gjithashtu se Putini kishte “llogaritur keq” përgjigjen ukrainase.
“Në sulmin e tij të neveritshëm ndaj një kombi sovran, ai ka nënvlerësuar forcën e jashtëzakonshme të popullit ukrainas dhe unitetin dhe vendosmërinë e botës së lirë për t’iu kundërvënë barbarisë së tij. Nëse Putini dyfishohet, do të bëjmë edhe ne, duke rritur më tej presionin ekonomik dhe duke mbështetur Ukrainën me financa, armë dhe ndihmë humanitare. Putini duhet të dështojë në sipërmarrjen e tij dhe unë nuk kam asnjë dyshim se ai do të dështojë dhe se ne do të kemi sukses në mbrojtjen e Ukrainës”, tha ai./21Media