Julian Assange mori leje për t’u martuar me partneren në burg
Julian Assange i është dhënë leja për t’u martuar me partneren e tij Stella Moris në burgun Belmarsh.
Themeluesi i Wikileaks dhe Moris kanë dy djem së bashku, të cilët ishin dashuruar ndërsa Julian Assange jetonte brenda ambasadës ekuadoriane të Londrës.
Shërbimi i burgut tha se aplikimi i Assange “u konsiderua në mënyrën e zakonshme nga guvernatori i burgut”.
Moris tha se ishte “e lehtësuar që arsyeja mbizotëruar”. Ajo shtoi: Shpresoj se nuk do të ketë ndërhyrje në martesën tonë.
Të burgosurit kanë të drejtë të aplikojnë për t’u martuar në burg sipas Aktit të Martesave të vitit 1983 dhe kur aplikimet miratohen, ata duhet të përballojnë shpenzimet e plota të martesës, pa ndihmën e tatimpaguesit, transmeton rtv21.tv.
Në një intervistë Moris, një avokate e lindur në Afrikën e Jugut, zbuloi se ajo kishte qenë në një lidhje me Assange që nga viti 2015 dhe kishte rritur vetë dy djemtë e tyre të vegjël.
Në një video të postuar në llogarinë e Wikileaks në YouTube, ajo tha se ishte takuar me Assange në vitin 2011 kur ajo iu bashkua ekipit të tij ligjor.
Moris shtoi se e kishte vizituar atë në ambasadë pothuajse çdo ditë dhe “e kishte njohur shumë mirë”.
Çifti ranë në dashuri në vitin 2015 dhe u fejuan dy vite më vonë.
Moris tha se Assange i kishte parë të dy djemtë të lindnin përmes videolidhjes dhe ata kishin vizituar babanë e tyre në ambasadë.
Assange, 50 vjeç, vazhdon të luftojë ekstradimin në SHBA me akuza për spiunazh.
Ai kërkohet në SHBA me akuzat për konspiracion për të marrë dhe zbuluar informacione të mbrojtjes kombëtare, pas publikimit të qindra mijëra dokumenteve të zbuluara nga Wikileaks në lidhje me luftërat në Afganistan dhe Irak.
Publikimet përfshijnë publikimin në prill 2010 të pamjeve që tregojnë ushtarët amerikanë që qëllojnë dhe vrasin civilë nga një helikopter në Irak.
Australiani ndodhet në burgun Belmarsh që nga viti 2019, kur ai u dëbua nga ambasada e Ekuadorit në Londër nga policia dhe u arrestua për shkelje të kushteve të lirimit me kusht.
Ai kishte qenë në ambasadë që nga viti 2012, duke shmangur ekstradimin në Suedi, ku u përball me akuza për shkelje seksuale. Ai gjithmonë i ka mohuar ato dhe përfundimisht u hodhën poshtë./21Media