Kabul: Evakuimi vazhdon, droja për shpërthim nuk hiqet…
“Talibanët janë angazhuar për një kalim të sigurt pas afatit”, thonë zyrtarë të SHBA-ve
Rreth 19.000 njerëz janë evakuuar në fluturimet e organizuara nga SHBA në 24 orët e fundit.
Sekretari amerikan i Shtetit Antony Blinken tha se talebanët kishin premtuar se do të lejonin të huajt dhe afganët të largoheshin nga Afganistani pas 31 gushtit, kur udhëtimet ajrore të kontrolluara nga SHBA do të pushonin.
Ai tha se Uashingtoni dhe aleatët e tij kanë një “përgjegjësi që ( talibanët) të mbajnë fjalën”.
Blinken tha se Shtetet e Bashkuara ishin ende në rrugën e duhur për të përfunduar operacionet në aeroportin e Kabulit deri në fund të muajit.
Ende ka mijëra njerëz brenda dhe jashtë aeroportit te Kabulit, që duan të largohen me avionë.
Më shumë se 82.000 njerëz, të cilët ranë në duart e talebanëve 10 ditë më parë, u transportuan me aeroplanë nga Kabuli, nderkaq që militantët kundërshtuan zgjatjen e afatit per evakuim.
Mbretëria e Bashkuar dhe vendet e tjera po nxitojnë që para afatit të evakuojnë qytetarët e vet, si dhe stafin afgan dhe mbajtësit e vizave. Mbretëria e Bashkuar tha se operacioni i evakuimit po zhvillohej me një “ritëm të rëndësishëm”, me rreth 1.200 njerëz që fluturuan të mërkurën.
Blinken tha se rreth 19,000 njerëz janë evakuuar në fluturimet e organizuara nga SHBA në 24 orët e fundit kurse forcat ajrore janë intensifikuar aksionet ditët e fundit pasi në Aeroportin e Kabulit po dominon kaosi.
“Vetëm Shtetet e Bashkuara mund të organizojnë dhe kryejnë një mision të kësaj madhësie dhe të këtij kompleksiteti,” u tha ai gazetarëve në Uashington.
“Talibanët janë zotuar publikisht dhe privatisht për të siguruar dhe lejuar kalimin e sigurt për amerikanët, shtetasit e vendeve të treta dhe afganët në rrezik pas 31 gushtit,” tha ai.
Ai shtoi se Shtetet e Bashkuara do të ndihmojnë ata që duan të largohen nga Afganistani “jo vetëm gjatë kohëzgjatjes së misionit tonë të evakuimit dhe zhvendosjes, por çdo ditë më pas.
SHBA janë të përkushtuara për të marrë sa më shumë afganë të jetë e mundur, tha z. Blinken
Deri në 1.500 qytetarë amerikanë mund të jenë ende në vend, dhe administrata ka bërë një përpjekje gjithëpërfshirëse për t’i gjetur ata, tha sekretari i shtetit.
CIA dhe ushtria amerikane po kryejnë operacione të fshehta për të evakuuar amerikanët duke përdorur helikopterë dhe trupa tokësore, thanë zyrtarët amerikanë dhe të tjerë për Wall Street Journal.
Operacionet e rrezikshme ishin brenda dhe jashtë Kabulit, tha gazeta.
Pentagoni tha se 10,000 njerëz ishin ende duke pritur që aeroplanët amerikanë t’i evakuonin ata nga aeroporti i Kabulit. Ka frikë për mijëra afganë të tjerë që duan dëshpërimisht të largohen, por nuk mund të arrijnë në atë vend.
Korrespondentët e BBC thonë se shumë nga ata që u kthyen nga talebanët në portën e aeroportit duket se kanë dokumente udhëtimi.
Presidenti Joe Biden shkroi në Twitter se SHBA do të “bëjë gjithçka” për të “siguruar një evakuim të sigurt”.
Sekretari i Jashtëm britanik Dominic Raab tha se qeveria e tij do të përdorte “çdo orë dhe ditë që kemi lënë” për të evakuuar qytetarët britanikë dhe afganët që kanë të drejtë.
Presidenti Biden hodhi poshtë thirrjet e aleatëve për të zgjatur afatin e 31 gushtit. Zyrtarët amerikanë thanë se kishte një kërcënim domethënës që militantët e lidhur me grupin Shteti Islamik mund të sulmonin aeroportin.
Zyra e Jashtme Britanike u bëri thirrje qytetarëve të saj të mërkurën të mos udhëtojnë atje për shkak të rrezikut të një sulmi terrorist.
Aeroporti i Kabulit aktualisht mbrohet nga 5.800 trupa amerikane dhe 1.000 trupa britanike.
Turqia, nga ana e saj, ka njoftuar se ka filluar tërheqjen e trupave të veta nga Afganistani, raporton BBC NEWS nga Kabuli./E.D.-21MEDIA