Kandidati i ID-së prezanton programin për Deçanin
Në debatin zgjedhor në RTV21, kandidati i Inciativës Demokracia për kryetar të Komunës së Deçanit, Shkumbim Demaliaj ka shpalosur programin e tij garues për zgjedhjet lokale.
Fokusi kryesor tek shtyllat e para të planprogramit për këtë komunë, Demaliaj tha se është tek demokracia dhe transparenca.
“Jemi fokusuar tek demokracia dhe transparenca, pjesëmarrja e qytetarëve si kryetar i komunës në të ardhmen dedikimin e buxhetit komunal në projektet e zgjedhura nga qytetarët do t’ja mundësojë të gjitha vendbanimet që ata të përcaktojnë për 10% buxhetin nga ana ime që e kam të drejtën time me ligj si kryetar të komunës.
Platformë dixhitale zyrtare për ankesa, propozime dhe ide zhvillimi. Shtylla e tretë është ekonomia dhe punësimi, subvencione për bujqësi dhe mbështetje bizneseve vendore, themelim i qendrave për startupe dhe biznese të vogla. Promovimi i turizmit malor, kulturor dhe i trashëgimisë lokale. Diaspora si partner strategjik dhe zhvillim
“, tha ai. /21Media
Dëshiron ta dëgjosh këtë lajm me zë?