Katër shtete “divorcohen” nga Katari
Sipas këtyre shteteve Katari mbështet grupet terroriste
Arabia Saudite, Egjipti, Bahreini dhe Emiratet e Bashkuara Arabe kanë ndërprerë lidhjet diplomatike me Katarin, duke e akuzuar atë për destabilizimin e rajonit.
Ata thonë se Katari mbështet grupe terroriste duke përfshirë Shtetin Islamik ISIS.
Agjencia shtetërore e lajmeve Saudite PS, tha se Riadi kishte mbyllur kufijtë e tij me Katarin.
PS citon zyrtarët të kenë thënë se ky vendim ka ardhur për të mbrojtur sigurinë kombëtare nga rreziqet e terrorizmit dhe ekstremizmit.
Kjo konsiderohet si ndarja më serioze midis vendeve të fuqishme të Gjirit, të cilët janë gjithashtu aleatë të ngushtë të SHBA-ve.
Vendimi vjen dy javë pasi të katër vendet bllokuan faqet e lajmeve të Katarit.