Presidenti i Paris-Sain-Germain, Naser El Khelaifi ka thënë se të gjithë lojtarët e kalibrit të lartë dëshirojnë të bashkohen me klubin e tij, por ka refuzuar të diskutojë rreth asaj nëse ka negociata për transferimin e Lionel Messit.

Messi, kontrata e të cilit është në prag të skadimit ka qenë i lidhur për një kohë të gjatë i lidhur me një kalim te skuadra franceze pas krizës financiare të Barcelonës.

Gjithsesi, tani raportohet se është shumë më afër vazhdimit të kontratës se sa vitin e kaluar por meqenëse ende nuk ka ardhur zyrtarizimit, mundësia e kalimit të tij në “Parkun e Princave” ende nuk është shuar.

“Messi është në fund të kontratës së tij dhe të gjitha klubet e kanë të drejtën që të bisedojnë me të për ta pasur në sezonin e ardhshëm. Ajo që mund t’iu thëm juve dhe që duhet të më besoni është se të gjithë lojtarët e mëdhënjë dëshirojnë të vijnë në PSG. Ta keni të qartë, nuk po e them këtë vetëm për Messin. Nuk është e mundur të nënshkruajmë më të gjithë sepse ne kemi lojtarë të mrekullueshëm po ashtu. Dhe Messi është Messi, një lojtar fantastik.”, ka thënë Khelaifi për “L’Equipe.