Kievi u sulmua me dronë kamikazë

Rusia sulmoi Kievin me dronë “kamikaze” të hënën në mëngjes, sipas një zyrtari të lartë ukrainas, i cili përsëriti thirrjet për aleatët perëndimorë që të furnizojnë vendin me sisteme më të avancuara të mbrojtjes ajrore.

“Rusët mendojnë se kjo do t’i ndihmojë, por këto veprime kanë një erë dëshpërimi,” tha në një deklaratë Andriy Yermak, shefi i kabinetit të Presidentit ukrainas. “Ne kemi nevojë për më shumë mbrojtje ajrore sa më shpejt të jetë e mundur. Nuk kemi kohë për të vonuar. Ne kemi nevojë për më shumë armë për të mbrojtur qiellin dhe për të shkatërruar armikun.”

Në një mesazh të veçantë në Telegram, kryebashkiaku i Kievit, Vitali Klitschko tha se “sulmi me dron” shkaktoi një “zjarr në një ndërtesë jo-rezidenciale”.

“Zjarrfikësit janë duke punuar. Disa objekte banimi janë dëmtuar. Mjekët janë në vend”, tha Klitschko.

Të paktën tre shpërthime u dëgjuan në kryeqytetin ukrainas rreth orës 6:45 të mëngjesit me orën lokale të hënën, si rezultat i sulmeve të dukshme ruse./21Media