Kina ka ndaluar transmetimin e BBC -së në territorin e saj, sipas një vendimi të enjten nga rregullatori i saj i transmetimit.

Kina ka kritikuar BBC -në për raportimin e saj mbi koronavirusin dhe persekutimin e pakicës etnike Ujgurëve.

BBC tha se ishte “zhgënjyer” nga vendimi, transmeton rtv21.tv.

Ky njoftim ka ardhur një javë pasi rregullatori britanik i mediave, i ka refuzuar televizionit shtetëror kinez licencën për transmetim.

Përmbajtja e kanalit britanik ka shkelur “seriozisht” udhëzimet për raportim në këtë shtet, duke përfshirë “kërkesat që lajmet të jenë të sakta dhe të vërteta”, dhe të mos “dëmtojnë interesat kombëtare të Kinës”, është thënë në deklaratë.

“Administrata Shtetërore për Film, Televizion dhe Radio nuk lejon BBC-në që të vazhdojë transmetimin në Kinë, dhe nuk pranon aplikimin vjetor për transmetim” është thënë mes tjerash në njoftim.

Një zëdhënëse e BBC-së ka thënë përmes një deklarate me shkrim se ky medium është i “zhgënjyer që autoritetet kineze kanë vendosur kështu”.

“BBC është transmetuesi më i besuar i lajmeve në botë dhe raporton për tregime nga e gjithë bota në mënyrë të saktë, të paanshme dhe pa frikë apo favorizim”, është thënë mes tjerash në koment./21Media