Konjufca: Masakra e Reçakut është ndër aktet më mizore të regjimit serb
Kryetari i Kuvendit të Kosovës, Glauk Konjufca ka thënë se Masakra e Reçakut është ndër aktet më mizore të regjimit serb.
Të hënën nga Reçaku Konjufca ka thënë se bota demokratike e kishte kuptuar se “gjuha të cilën e njeh Serbia është gjuha e forcës”.
“Pas Reçakut, bota demokratike e kuptoi se gjuha të cilën e njeh Serbia është gjuha e forcës, sepse nuk do të ndalej lufta dhe masakrat që po i kryente gjithandej Kosovës. Prandaj, gjithmonë do të mblidhemi këtu, për t’i kujtuar edhe martirët e Reçakut, e edhe dëshmorët që rënë në përpjekje për të mbrojtur popullatën civile të Reçakut”, ka thënë ai nga Reçaku.