Kosova zhvillon stërvitjen e fundit para ndeshjes me Zvicrën

Pas konferencës për media, Kombëtarja e Kosovës zhvilloi tani seancën e fundit stërvitore, para ndeshjes së nesërme kundër Zvicrës.

“Dardanët” filluan me përgatitje të lehta si pranim, pasim dhe qarkullim të topit, ndërsa vazhduan më pas edhe me përgatitje kondicionale si vrapime të lehta, raporton KosovaPress.

Vlen të theksohet atmosfera që po mbretëron në kampin e Kosovës, ku futbollistët shihen të lumtur dhe të përgatitur maksimalisht për duelin e nesërm ndaj Zvicrës.

Kosova e zhvillon nesër ndeshjen me Zvicrën, me fillim nga ora 20:45 në stadiumin “Fadil Vokrri”.