Kosovarët shëtisin të armatosur

Arrestohen 4 persona

Policia e Kosovës ka arrestuar katër persona të dyshuar pasi që gjatë kontrollit në veturën me të cilën ishin duke qarkulluar kishin armë me vete.

Rasti ka ndodhur mbrëmë në fshatin Runjevë të Kaçanikut.

“Njësitet policore kanë gjetur dhe konfiskuar tri (3) revole: njëra e tipit Zastava kalibër i panjohur, dhe dy tjera me gas, cal-9 mm, të gjitha pa fishekë”, ka njoftuar policia.

Me vendim të prokurorit kujdestar, tre prej të dyshuarve janë dërguar në mbajtje, ndërsa njëri prej të dyshuarve është liruar në procedurë të rregullt./21Media