Krasniqi: Shkak i mosvotimit të rimëkëmbjes, gjendja e bizneseve e rëndë

 

Pasi që në seancën e sotme të Kuvendit të Kosovës në rend dite është votimi i Ligjit për Rimëkëmbje Ekonomike, përfaqësuesit e Odës Afarizmit të Kosovës (OAK) sot kanë ftuar në takim shefat e grupeve parlamentare të partive politike në vend. Por këta të fundit nuk ia janë përgjigjur ftesës së OAK-ut.

Kryetari i OAK, Skënder Krasniqi tha se qëllimi i këtij takimi ka qenë diskutimi për Ligjin për Rimëkëmbje Ekonomike me qëllim që në këtë ligj të përfshihen kërkesat dhe nevojat bizneseve .

Krasniqi tha se për shkak të mos votimit të këtij ligji gjendja e bizneseve në Kosovë është ekstremisht e rëndë dhe se numri i te larguarve nga puna është rritur shumë.

Tutje ai tha se kjo po ndodh për shkak të mungesë së koordinimit në mes të qeverisë e cila nuk po ia ka numrat për ta kaluar këtë ligj jetik dhe opozitës.

Krasniqi nga Oda e Afarizmit po ashtu ka theksuar se për këtë ligj ka pas moskoordnimi të madh edhe me bizneset dhe vetë odat.

Ndërkaq, Sekretar i Bordit të OAK-ut, Diamant Elshani tha se bizneset nga qeveria nuk po kërkojnë lëmosh por po kërkojnë mbështetje dhe kreativitet për të kaluar krizën e shkaktuar nga pandemia COVID-19./kp