Kremlini: Putini urdhëroi ndalimin e sulmit rus për negociata, por operacionet kanë rifilluar

Presidenti rus Vladimir Putin urdhëroi të premten ndalimin e avancimit të ushtrisë ruse në Ukrainë në pritje të negociatave, por operacionet rifilluan pasi qeveria në Kiev dyshohet se refuzoi bisedimet, tha të shtunën zëdhënësi i Kremlinit, Dmitry Peskov.
Një këshilltar presidencial ukrainas mohoi në orët e para të së shtunës se Ukraina kishte refuzuar të negocionte, transmeton rtv21.tv.
“Dje, në dritën e bisedimeve në pritje me udhëheqjen ukrainase, komandanti i përgjithshëm, presidenti i Rusisë, urdhëroi një pezullim të avancimit të grupit kryesor të forcave të armatosura ruse në Ukrainë”, tha Peskov në një telefonatë konferencë me gazetarët.
“Por në thelb, pasi pala ukrainase refuzoi negociatat, operacioni ushtarak rus rifilloi sot në përputhje me planin”, shtoi ai./21Media