Kroacia i ofron mbështetje Kosovës në rrugën evropiane
Kroacia e përkrah plotësisht rrugën evropiane të Kosovës dhe është e gatshme t’ia ofrojë përvojën e saj, ka thënë të martën ministri i Jashtëm kroat, Gordan Grliq Radman, pasi priti në Zagreb, ministren e Jashtme të Kosovës, Donika Gërvalla-Schwarz.
Radman ka shkruar në Twitter se me Gërvallën kanë diskutuar për raportet bilaterale miqësore dhe rrugën evropiane të Kosovës.
Ai e ka cilësuar Kosovën si “partnere të besueshme me qëndrimin proevropian në politikën e jashtme”.
Great to welcome my dear 🇽🇰 @gervallaschwarz in #Zagreb.
We discussed friendly 🇭🇷🇽🇰 bilateral relations, as well as the European path of #Kosovo, which we fully support and are ready to share our knowledge and experience. pic.twitter.com/HA20JN4ztU— Gordan Grlić Radman (@grlicradman) March 7, 2023
Ndërkaq, Gërvalla e ka cilësuar Kroacinë jo vetëm si “shtet mik strategjik, por edhe shumë të afërt”./21Media
Dëshiron ta dëgjosh këtë lajm me zë?