Kroacia premton mbështetje për Kosovën në BE e NATO
(Lajm i përditësuar)
Ministri i Mbrojtjes, Ejup Maqedonci, pas takimit sot me homologun kroat Ivan Anusiq, deklaroi se të dyja vendet ndajnë të njëjtat interesa në sektorin e mbrojtjes dhe sigurisë. Maqedonci në një konferencë për media foli mbi rolin dhe ndihmën që Kroacia ka ofruar deri më tash për Kosovën.
“Kroacia ka qenë dhe mbetet një prej shteteve më përkrahëse, veçanërisht në aspektin e mbrojtjes dhe sigurisë. Prezenca ushtarake kroate në kuadër të KFOR-it ka ndikuar në ambient më të sigurt. Republika e Kroacisë ka mbështetur në trajnime dhe shkollime, por gjithashtu edhe në aspektin e industrisë së mbrojtjes”, tha ai.
Ministri kroat i Mbrojtjes pritet me gardë ceremoniale
Me gardë ceremoniale është pritur sot ministri i Mbrojtjes së Kroacisë, Ivan Anusiq.
Ky i fundit po mban takim në Prishtinë me homologun e tij kosovar, Ejup Maqedonci.
Pas takimit do të ketë konferencë për media.