Kroacia regjistron rastin e parë me variantin Omicron

Varianti Omicron i COVID-19 është regjistruar zyrtarisht në Kroaci.
Nga Instituti “Ruder Boskovic” (RBI) thonë se pasi Instituti Kroat i Shëndetit Publik njoftoi se prania e koronavirusit Omicron dyshohej tek një pacient në Kroaci, mund të konfirmohet se ishte potencialisht pozitiv në virusin SARS-CoV-2 në kuadër të testit PCR.
“Personi i cili i është nënshtruar testit kishte shprehur dyshimin për mundësinë e infektimit me variantin Omicron, për shkak të kontaktit me një person nga Republika e Afrikës së Jugut”, tha Instituti.
Mostra u dërgua për përpunim të mëtejshëm në Laboratorin për gjenomikë të avancuar të RBI-së.
“Analiza RT-PCR tregoi disa mospërputhje në krahasim me variantet e tjera të koronavirusit. Analiza e mëtejshme e synuar duke renditur rajonet kryesore të gjenomit SARS-CoV-2 tregoi praninë e mutacioneve karakteristike të variantit të ri Omicron SARS-CoV-2”, tha Instituti “Ruder Boskovic”.
Instituti Kroat i Shëndetit Publik dhe Ministria e Shëndetësisë janë informuar për rezultatet dhe pritet konfirmimi zyrtar i tyre.
Ata gjithashtu theksojnë se duhen 72 orë për të marrë rezultatin përfundimtar.