Kur është orari më i mirë për të fjetur

A ka një orar të duhur për të fjetur në rast se duam të mbrojmë zemrën  nga sëmundjet kardiovaskulare?
Me sa duket, sipas studiuesve të një studimi të ri, ekziston një orar ideal që ne duhet të respektojmë nëse duam të reduktojmë rrezikun dhe ky orar është midis orës 10 dhe 11 të natës.
Por, çka nëse jeni nga të paktët që ju zë gjumi edhe më herët, para orës 22:00 ?
Edhe personat që flenë para orës 22:00 kanë 25% rrezik të zhvillojnë sëmundje të zemrës,  po ashtu edhe ata që flenë vonë, pas mesnate.
Dr. Plans dhe shkencëtarët e tjerë mblodhën të dhëna nga më shumë se 88,000 burra dhe gra, me një moshë mesatare 61 vjeç, midis  viteve 2006 dhe 2010.
Nga studimi rezultoi se 3.6% e pjesëmarrësve zhvilluan sëmundje kardiovaskulare.  Nga këta shumica e tyre flinin në orën 12 të natës ose edhe më vonë.
Nga ana tjetër, ata që kishin më pak gjasa të zhvillonin një sëmundje kardiovaskulare, binin në gjumë midis orës 10 deri në 10.59 të natës.
Rreziku, megjithatë, ndryshonte në varësi të kohës së gjumit, pasi ata që flinin mes orës 11 dhe 11:59 kishin një rrezik 12% më të lartë dhe ata që flinin para orës 22:00 kishin një rrezik 24% më të lartë.
Për sa i përket dallimeve gjinore, rreziku ishte më i lartë për gratë.
“Ne nuk mund të japim këshilla bazuar në rezultatet tona të reja, pasi kemi identifikuar vetëm një korrelacion,” vëren Dr. Planet.
Si mund të flemë më mirë?
Këshillat që ai jep janë gjithashtu të dobishme, bazuar në gjetjet e përgjithshme të hulumtimit: “Flini në një orar  të caktuar  dhe zgjohuni  herët për të kaluar kohë në mëngjes nën rrezet e diellit, shmangni ekspozimin ndaj dritës blu, dritës që lëshojnë pajisjet elektronike , kafeina por edhe dremitja pas orës 4 pasdite. Përdoreni dhomën e gjumit vetëm për të fjetur dhe shtrihuni vetëm nëse jeni të përgjumur dhe dëshironi vërtet të flini.