Ministri bën thirrje për bojkotim të lokaleve ku nuk u shërbehet komuniteteve

November 21, 2021Përditesimi i fundit: November 21, 2021

Ministri i Administrimit dhe Pushtetit Lokal, Elbert Krasniqi, ka bërë thirrje që të bojkotohen lokalet ku nuk u shërbehet komuniteteve, teksa ka treguar një rast të tillë që ka ndodhur së fundi në qytetin e Gjakovës.
Ai ka thënë se qyteti i Gjakovës është shembull i për bashkëjetesë dhe rastet e tilla nuk duhet të ndodhin.

“Mbetet angazhim i institucioneve dhe shoqërisë që të garantojnë dhe zhvillojnë bashkëjetesën dhe mundësitë e barabarta për të gjithë qytetarët. Lokalet të cilat bëjnë diferencime të tilla duhet t’i bojkotojmë të gjithë!Personat me ngarkesa raciste nuk duhet t’i mbështesim në zhvillim të tyre”, ka shkruar Krasniqi në Facebook.

Pas kësaj thirrje ka reguar edhe Minstrija e Drejtësisë, Albulena Haxhiu e cila ka shkruar se refuzimi për t’i shërbyer komuniteteve joshumicë është i papranushëm dhe i dënueshëm.

“Kjo nuk duhet të ndodhë askund dhe asnjëherë. Barazi dhe jo diskriminim”, ka shkruar Haxhiu në Facebook.

Edhe nënkryetarja e PDK-së Vlora Çitaku ka dalë në mbështetje të Ministrit që kërkoi bojkot të lokaleve që nuk u shërbejnë komuniteteve.

“E mbështes Ministrin në këtë apel!”, ka shkruar shkurt ajo në Facebook./21Media

Lexim me zë

Dëshiron ta dëgjosh këtë lajm me zë?

0:00

Kur është orari më i mirë për të fjetur

"Idiot" kënga e re nga Ari