Kurti ‘mbyllet’ me ekipin e tij: Po përgatitemi për takimin e nesërm
Kryeministri i Kosovës, Albin Kurti, ka thënë se tërë ditën e ka kaluar duke u përgatitur për takimin e nesërm me presidentin e Serbisë, Aleksandar Vuçiqin në Bruksel.
Kurti ka thënë se përgatitja për negociata është komplekse dhe e thjeshtë.
“Mbërrita në Bruksel dhe kalova ditën duke u përgatitur për takimin e nesërm. Përgatitja për negociata është komplekse dhe e thjeshtë: komplekse sepse ka shumë informacione dhe detaje të përfshira, ndër të tjera, por e thjeshtë sepse dëshirat e Kosovës janë të qarta, të ndershme dhe fisnike”, ka shkruar Kurti në Twitter.
Kryeministri i Kosovës, Albin Kurti dhe presidenti i Serbisë, Aleksandar Vuçiq do të takohen të martën në Bruksel, në kuadër të dialogut për normalizimin e marrëdhënieve, të ndërmjetësuar nga Bashkimi Evropian./21Media
Arrived in Brussels & spent the day preparing for tomorrow’s meeting. Preparing for negotiations is both complex and simple: complex because there is a great deal of information & detail involved, among other things, but simple because the wishes of 🇽🇰 are clear, honest & noble. pic.twitter.com/tdQD1KzxVn
— Albin Kurti (@albinkurti) May 1, 2023