Kurti: Ndërkombëtarët i kanë dy kapela

(Lajm i përditësuar)
Kurti: Fjalën popullit, shtetit dhe dëshmorëve ia kanë shkel ata që votuan Zajednicën
Kryeministri i Kosovës, Albin Kurti ka deklaruar se është i interesuar të përmbyll dialogun në Bruksel por kjo nuk duhet që kjo të jetë në kurriz të qëndrueshmërisë tonë.
Kurti në seancën e Kuvendit për dialogun me Serbinë, ka thënë se duhet forcuar shtetin tonë, pasi ka kurrfarë garancioni që edhe pas njohjes reciproke, Serbia do të vazhdojnë me destruktivitet ndaj neve, kjo
“Pra unë jam i interesuar që sa më shpejt, mirëpo në ndërkohë që jam i interesuar që të fillojnë bisedimet në mënyrë që sa më shpejt ta përmbyllim , duhet ta kuptoni që nuk duhet që kjo të jetë në kurriz të qëndrueshmërisë tonë. Pala e cila duket le të themi e frustruar që po zgjatet dialogu, lexohet si dobësi nga pala tjetër dhe do të eksplatohet kjo dobësi. Në njërën anë që unë kam interes që kjo të shkoj sa më shpejt, në anën tjetër duhet të dëshmojë që shteti i Kosovës, pavarësisht nëse Serbia na njeh apo nuk na njeh, pavarësisht kur është takimi i ardhshëm dhe marrëveshja që e bëjmë ose nuk e bëjmë, ka sukses edhe në ekonomi, drejtësi dhe në çdo fushë tjetër, pra ne duhet ta forcojmë shtetin tonë pavarësisht qëndrimit destruktiv të Serbisë….ne gjeografinë dhe historinë nuk mund ta ndryshojmë, ata do t’i kemi fqinjë verior edhe pas njohjes dhe nuk ka kurrfarë garancioni që edhe pas njohjes reciproke, ata nuk do të vazhdojnë me destruktivitet ndaj neve, kjo do të thotë se ne duhet të ndërtojmë imunitet shtetëror ndaj destruktivitetit të Beogradit zyrtar. Pra fakti që kemi përmbyllur një kapitull, nuk do të thotë se përmbyllim gjithçka”, tha ai.
Kurti iu ka përgjigjur deputetëve edhe rreth akuzave që ka shkelur fjalët e veta për dialogun dhe Asociacionin e komunave me shumicë serbe.
“Fjalën shtetit, fjalën shtetit dhe fjalën dëshmorëve ia kanë shkel ata 84 që kanë votuar më 27 qershor 2013 Zajednicën, në këtë Kuvend, 84 emra e mbiemra janë, i gjeni në arkiv të Kuvendit. Nuk mundësh më me fol për mbajtje të fjalës pa e evidentuar atë shkelje “, tha ai, duke shtuar se marrëveshja me Serbinë do të jetë ligjërisht e obligueshme.
Kurti: Ndërkombëtarët i kanë dy kapela
Kryeministri i Kosovës, Albin Kurti ka thënë se sekuencimi është i negociueshëm, por sipas tij duhet të hapen fillimisht bisedimet.
Ai ka thënë se është i interesuar që të hapen bisedimet, por sipas tij, nuk varet vetëm prej tij.
Kurti ka thënë se duhet kuptuar që nuk duhet që kjo të jetë në kurriz të qëndrueshmërisë së shtetit.
Ai tutje derisa ka folur për palën ndërkombëtare, ka thënë se ndërkombëtarët kanë dy kapela. Një sipas tij, që e kanë njohur Kosovën dhe një kur flasin me rolin e ndërmjetësuesit.
“Pala që duket e frustruar që procesi po zgjatet, mund të lexohet si dobësi. Mua më duhet të dëshmoj që shteti i Kosovës ka sukses edhe në ekonomi, drejtësi e në çdo fushë. Ne duhet ta forcojmë shtetin tonë pavarësisht qëndrimit të Serbisë. Serbia e ka njohur Bosnjën porse e ka njohur dejure jo defacto. Nuk ka garanci që edhe pas njohjes ata nuk do të vazhdojnë me destruktivitet ndaj nesh. Kjo i bie që ne duhet të krijojmë imunitet shtetëror. Ata do të vazhdojnë të jenë fqinjët tanë”, ka thënë ai.
Sipas tij, opozita ka diskutuar gjerë e gjatë për videon e tij për Oliver Ivanoviqin, porse ka shtuar se ka folur në serbisht, duke iu thënë se nuk ka folur për ta, por për serbët.
Ai ka thënë reciprocitetin e thekson vazhdimisht, duke shtuar se opozita e di vetë nëse do ta bëjë.
Kurti ka thënë se në kushtet që ka përmendur reciprociteti është kushti i tretë.
Ai ka thënë se marrëveshje do të jetë ligjërisht i obligueshme.
“Unë nuk i befasoj ndërkombëtarët, unë koordinohem me ta. Por duhet ta kuptoni që unë nuk jam ndërkombëtar, unë jam shqiptar. Ndërkombëtarët i kanë dy kapela, një që na kanë njohur dhe një si ndërmjetësues. Nuk është çdo ligjërim ndërkombëtar autentik, por është edhe rol i ndërmjetësit. Prandaj duhet të koordinohemi me ndërkombëtarët, si njohës të pavarësisë tonë, por nuk duhet të pajtohesh me të në rolin e tij si ndërmjetës”, ka thënë ai.
Abdixhiku: Kryeministri kur humb argumentet fillon të prodhojë material për TikTok
Kryeministri i Kosovës, Albin Kurti është ankuar se deputeti i LDK-së Arben Gashi po e pengon gjatë fjalimit të tij për këtë arsye e ka quajtur të “papjekur”.
Prandaj, kryeministri Kurti i ka kërkuar deputetit Gashi që të mos ia ndërprejë fjalën.
Pas kësaj reagoi kryetari i LDK-së, Lumir Abdixhiku, i cili i kërkoi Kurtit që ta ruajë qetësinë kur flet me deputetët e LDK-së.
“Kryeministër të ftoj që kur komunikon me deputetët e LDK-së të ruash qetësinë dhe për hir të informimit publik është pjesë debatit parlamentar të rregullt shumë më pak sesa ministrat e tij flasin këtu sa herë që dalin. Kryeministri kur humb argumentet fillon të prodhojë material për TikTok”, tha Abdixhiku.
Gashi: Kurti e largoi Kosovën nga marrëveshja finale
Deputeti i Lidhjes Demokratike të Kosovës, Arben Gashi, deklaroi se kryeministri Albin Kurti, premtoi rishikimin e marrëveshjeve të nënshkruara ne Bruksel, por i nisi vetëm tri, e në asnjërën s’pati sukses.
Ai tha para deputetëve të hënën se Kurti i rishikoi marrëveshjet për dokumentet personale, për çështjen e targave dhe për energjinë, por nga këto marrëveshje, sipas Gashit, Kurti e largoi Kosovën nga marrëveshja finale.
“Në kërkim të tradhtisë nga paraardhësit e tij, u shndërrua në ndjekës të tyre. Pra, ju pa koordinim me miqtë e për spektakël populist, marrëveshjen për targat e paraqitet si gjithçka fund e larguat Kosovën nga marrëveshja finale. Ju ishit gati të fundit nga ata që e njohën Republikën e Kosovës”, tha Gashi.
Deputeti i LDK-së theksoi se Kuvendi dhe qytetarët duhet ta dinë qëndrimin e Kurtit për dialog.
Tahiri-Kurtit për Asociacionin: A po e marrim apo e lajmë?
Shefi i Grupit Parlamentar të PDK-së, Abelard Tahiri ka folur para Kuvendit lidhur me marrëveshjen e Asosacionit.
Ai tha se kryeministri Kurti nuk është në një pozitë të favorshme.
“Në rrethanat që jemi tash nuk jemi në favor të nënshkrimit të një marrëveshje. Arritja e një marrëveshje finale me Serbinë do na mundësonte anëtarësimin në OKB. Pra, është më rëndësi të na thotë se anëtarësimi në OKB si do të bëhet”, tha ai.
Tahiri po ashtu pyeti Kurtin se çfarë përfiton Kosova nga nënshkrimi i marrëveshjes.
“A është plani franko-gjerman prodhim i dy viteve negociata. Cila është perspektiva jonë, benefitet tona nga marrëveshja, për Serbinë po edim që do i hapet rruga Evropiane. Cili është pozicioni jonë a po e marrim apo e lajmë”, pohoi Tahiri.

Haradinaj: Jam pro planit franko-gjerman, e përfshin rrugën drejt NATO-s
Kryetari i Aleancës për Ardhmërinë e Kosovës, Ramush Haradinaj, tha se Kosova e ka konfirmimin direkt nga Shtetet e Bashkuara të Amerikës se plani franko-gjerman, e përfshin përkrahjen amerikane për partneritet për paqe dhe rrugën e Kosovës drejt NATO-s. Haradinaj u shpreh pro planit franko-gjerman, si pjesë e marrëveshjes finale me Serbinë.