Kurti për 115-vjetorin e Kongresit të Manastirit: Ishte vendimtar për alfabetin e shqipes
Kryeministri Albin Kurti ka uruar shqiptarët në 115-vjetorin e Kongresit të Manastirit, duke theksuar se qëllimi i këtij kongresi ishte zgjidhja e problemit të të shkruarit të gjuhës shqipe, që gjatë shekullit të 19-të dhe deri atë kohë, shkruhej njëkohësisht me disa alfabete dhe variante të ndryshme.
“I paraparë të mbahej në Janinë, dy vite pas Kongresit të Manastirit (1908), më 2 dhe 3 prill 1910, sërish në qytetin e Manastirit, u mbajt Kongresi i Dytë i Manastirit i kryesuar nga Bedri Pejani. Ky ishte vendimtar për alfabetin e shqipes me shkronja latine, alfabetin me 36 shkronja me të cilën prej atëherë dhe deri sot është shkruar shqipja dhe alfabetin me të cilin është shkruar edhe ky tekst këtu”, ka shkruar Kurti në Facebook.
Dëshiron ta dëgjosh këtë lajm me zë?