Kurti, skeptik për idenë e një konference ndërkombëtare për Kosovën dhe Serbinë
Idenë e një konference ndërkombëtare për Kosovën dhe Serbinë, kryeministri i Kosovës, Albin Kurti, nuk e cilëson si një zgjidhje potenciale për tensionet mes Kosovës dhe Serbisë.
Sipas Kurtit, zgjidhja është zbatimi i marrëveshjes së arritur në Bruksel.
“Ne kemi pasur konferenca ndërkombëtare në të kaluarën dhe tash kemi një marrëveshje bazike, nga 27 shkurti i këtij viti në Bruksel dhe gjithashtu nga 18 marsi në Ohër me aneksin e zbatimit”, tha Kurti, gjatë një vizite në Prizren.
Idenë për mbajtjen e një konference ndërkombëtare për Kosovën dhe Serbinë e shpalosi më 27 qershor kryeministri i Shqipërisë, Edi Rama./21Media
Lexim me zë
Dëshiron ta dëgjosh këtë lajm me zë?