Kurti tregon nëse FSK-ja do të dërgohet në Ukrainë nëse e kërkon NATO-ja

Kryeministri i Kosovës, Albin Kurti ka folur rreth mundësisë së dërgimit të Forcës së Sigurisë së Kosovës (FSK) në Ukrainë në rast të shpërthimit të një konflikti të mundshëm ndërmjet palës ruse dhe asaj ukrainase.
Ai tha se çka do që parasheh NATO, Kosova do të jetë e gatshme të veprojë.
“Së pari, uroj që mos të ketë konflikte të reja, edhe unë jam duke e përcjellë me vëmendje deri në orët e vona se çfarë po ndodh në kufirin midis Ukrainës dhe Federatës Ruse. Ka një alarmim edhe të NATO-s, në veçanti të SHBA-së, por edhe të BE-së për këtë gjë. Çka do që NATO e parasheh të nevojshme, ne natyrisht që jemi të gatshëm”, tha ai.
Këto komente kryeministri Kurti i bëri pas një ngjarjeje me rastin e shënimit të Ditës Ndërkombëtare Kundër Korrupsion.