Kutia e lënë në harresë shitet për një çmim marramendës

Një kuti kineze e shekullit 15 e cila u la në harresë për dekada, u shit për 358,000 dollarë, duke thyer çmimin fillestar të ankandit.

Kutia u ble për vetëm 24 dollarë në vitin 1946 dhe pritej të shitej deri në 12,400 dollarë.

Kjo copë u krijua në vitet 1430. Mban shenjat e Xuande, Perandorit të pestë të Dinastisë Ming, shkroi CNN.

Është vetëm një prej pesë të njohurave në botë. Tri nga pesë copat janë në muze ose koleksione institucionale.

Kjo ishte hera e parë që kutia u vu në ankand pas 77 vjetësh pasi konsiderohej e humbur.