Ky diamant u shit për rreth 60 milionë dollarë

Një diamant mahnitës rozë është shitur për gati 60 milionë dollarë, më shumë se dyfishi i çmimit të pritur.
Diamanti është shitur në Hong Kong të premten, sipas shtëpisë së ankandit Sotheby’s. Guri pritej të shitej për rreth 21 milionë dollarë.
Diamanti rozë prej 11,15 karatësh, i referuar si “Ylli rozë i Williamson”, është një nga diamantet më të pastër, më rozë të dalë ndonjëherë në ankand, sipas Sotheby’s.
“Zbulimi i një diamanti rozë me cilësi të çmuar të çdo madhësie është një dukuri jashtëzakonisht e rrallë, diçka që, me mbylljen e fundit të minierës Argyle, dukej deri vonë shumë e pamundur”, tha Wenhao Yu, kryetar i Jewellery and Watches, raporton CNN
“Nxitur nga një ofertë e kufizuar dhe kërkesa në rritje, çmimet për diamantet e mëdhenj rozë me cilësi të lartë mbi 5 karat janë rritur në mënyrë eksponenciale gjatë dekadës së fundit, duke krijuar në mënyrë të çuditshme skenën për shfaqjen tani të këtij guri të veçantë”, tha ai.
Diamanti u emërua për nder të dy diamantëve të tjerë rozë, CTF Pink Star, i cili u shit për 71.2 milionë dollarë në vitin 2017, dhe diamanti “Williamson”, një diamant rozë i dhuruar Mbretëreshës Elizabeth II.