”Lista Serbe ka më së shumti arsye për të mbështetur mocionin e mosbesimit”

“Institucioneve iu mungon vullneti, dinamika, vendosmëria, përgjegjësia dhe komunikimi i hapur, pa të cilat nuk ka perspektivë thelbësore dhe as zhvillim të gjithmbarshëm dhe as në nivelin e lartë të respektimit”

Grupi Parlamentar i Listës Serbe ka mbajtur takimin e saj në të cilin ka analizuar situatën e përgjithshme politike, si dhe marrëveshjen e koalicionit PDL-LDK në bazë tët ë cilit është formuar Qeveria e Kosovës.

Lista Serbe konsideron se asnjëri nga akterët politikë, të cilët përfaqësojnë qytetarët në institucione nuk ka pozitë të qartë politike dhe as perspektivë rreth situatës së re të krijuar politike.

“Institucioneve iu mungon vullneti, dinamika, vendosmëria, përgjegjësia dhe komunikimi i hapur, pa të cilat nuk ka perspektivë thelbësore dhe as zhvillim të gjithmbarshëm dhe as në nivelin e lartë të respektimit. Duket se mungon zgjidhja efikase dhe e qëndrueshme në mënyrë që gjërat të lëvizin nga pika e vdekur. Pra, është e nevojshme një qeveri, e cila ka planin e vizionit dhe objektiva të definuara, pasi që pa këtë nuk ka prosperitet”, ka thënë Sllavko Simiq.

Sipas tij Lista Serbe sot do ta ketë vendimin për mosfunksionimin e institucioneve.

“Më së shumti arsye për të mbështetur mocionin e sotëm ndaj mos besimit të qeverisë e ka Lista Serbe, pasi asnjë element dhe detyrim i marrëveshjes së koalicionit nuk është implementuar, madje edhe shumë elemente të marrëveshjes po degradohen, procesi i dialogut është në ngecje, Asociacioni i komunave serbe po margjinalizohet nga ana politike dhe Kushtetutë. Pra, Lista Serbe do të ketë sot vendimin vendimtar që të parandalojë mos funksionalitetin e institucioneve dhe qeverisë”, ka shtuar Simiq.

Artikuj të ngjashëm

Back to top button
close button