Liz Truss kryeministre e re e Britanisë

Liz Truss do të bëhet kryeministrja e ardhshme e Britanisë, duke marrë detyrën nga Boris Johnson në një kohë trazirash ekonomike dhe politike në Mbretërinë e Bashkuar.
Liz Truss ka fituar garën për udhëheqjen e Partisë Konservatore.
Nesër ajo do të bëhet kryeministre kur të vizitojë Mbretëreshën në Balmoral për një ftesë për të formuar qeverinë e saj në Mbretërinë e Bashkuar, transmeton rtv21.tv
Truss, sekretarja e jashtme e Britanisë, fitoi mbështetjen e bazës së partisë së saj me premtimet për ulje të taksave dhe me besnikërinë e saj ndaj kryeministrit Boris Johnson – i cili u largua nga Downing Street nga ligjvënësit konservatorë.
Truss do të jetë kryeministrja e tretë femër e Britanisë – pas Margaret Thatcher dhe Theresa May. Dhe Mbretëria e Bashkuar do t’i bashkohet një klubi të vogël vendesh që ka pasur të paktën tre gra kryetare qeverish./21Media